முத்த சிறகுகள்

 அதிகாலைப் பறவைகளின் ஒலி

என் தூக்கம் கலைக்காத கனவுகளில்

உன் முத்த சப்தத்தை ஒத்திருக்கிறது

ஒன்று - பின்னர் மேலும் ஒன்றென

முன்னேறும் உன் தொலைதூர முத்தங்கள்

அமர்ந்து செல்கின்றன இதழ்கள் மீது

ஒரு பட்டாம்பூச்சியின் இலாகவத்தோடும்

மென்மையோடும்!

உதிர்ந்த முத்தங்களின் சிறகுகள்

பத்திரமாக பாடமாகி மின்னுகின்றன

என் நாட்குறிப்பின் பக்கங்களினூடே

என்றேனுமொரு மஞ்சள் மாலையில் - எனை

தளிர்கள் ஒளிரும் வனத்திற்குள்

திசைகள்தோறும் நெளிந்தோடும்

பாதைகளிலொன்று இட்டுச் செல்கையில்

கிளைகள்தோறும் - உன்

முத்த சப்தங்களைக் கேட்டவாறிருப்பேன்.