சற்றே தாழ்ந்த கிளையில் இருக்கும் பூவைச்
சுற்றிச் சுற்றி வருகிறது
மஞ்சள் நிற பட்டாம்பூச்சி.
செடியின் அடித் தண்டை
பற்றிக் கொண்டு
பட்டாம்பூச்சியைப் பிடிக்க
எம்பி எம்பிக் குதிக்கிறது பூனை.
புற உலகு குறித்து
எந்தக் கவனமுமின்றி
வெயிலுக்குள் மறைகிறது பட்டாம்பூச்சி.
இப்போது…..
பறக்காத அந்தச் சிவப்புப் பூவை
பறித்து விடத்
தாவித் தாவிப் பாய்கிறது பூனை.
No comments:
Post a Comment